في أول ظهور تلفزيوني لها بعد فوزها بلقب إكس فاكتور، حلت المطربة الشابة حنين الشاطر ضيفة على برنامج معكم منى الشاذلي، وكان برفقتها والدها الذي كان داعما لها طوال مشوارها الفني.
حنين الشاطر، التي أبهرت الجمهور ولجنة التحكيم بصوتها الجميل وأدائها المتميز، قالت إن بداية شهرتها كانت من خلال فيديو نشرته على مواقع التواصل الاجتماعي، تغني فيه مع والدها أغنية لعبد الحليم حافظ، وأن الفيديو حقق انتشارا واسعا وجذب انتباه الكثيرين لموهبتها.
وأضافت أنها كانت تحلم بالمشاركة في برنامج إكس فاكتور، ولكنها كانت تخشى من المنافسة والرفض، ولولا تشجيع والدها لما تجرأت على التقدم للتجارب، وقالت: "بابا قالي جربي ليه لأ.. وأول ما دخت لقيت كل المشاركين عارفيني وده بسطني أوي".
وعن دور والدها في رحلتها الفنية، قالت حنين: "بابا جزء أساسي في مشواري.. هو اللي علمني الغناء والموسيقى واللي دايما بينصحني وبيشجعني.. بابا صديقي وأخويا وكل حاجة".
ومن جانبه، أعرب والد حنين عن فخره وسعادته بنجاح ابنته وفوزها باللقب، وقال إنه كان يتمنى أن يكون مغنيا في شبابه، ولكنه لم يجد الفرصة والدعم، ولذلك حرص على أن يزرع حب الغناء في ابنته ويساعدها على تحقيق حلمها.
وكشف والد حنين عن سبب رفضه الغناء مع ابنته في البرنامج، قائلا: "كانوا عايزنا نشارك بدويتو مع بعض، وأنا قولتلهم مش عايز ابقى السبب في خسارتها، كان حلمي زمان أكون مغني بس أنا كنت عايز حنين هي اللي تطلع، لأن الواحد لازم يبقى في ضهر ابنه ويزقه بإيده لفوق".
وعن الجائزة التي حصلت عليها حنين من البرنامج، وهي سيارة، قالت إنها ستشاركها مع أسرتها، وأنها لا تمانع في أن يستخدمها والدها أو أخوتها، وقالت: "العربية اللي عايز يركبها يركبها متغلاش عليهم.. أنا بس عشان خايفة عليها بقعد أقولهم خلوا بالكم.. لأنهم هاريين العربية التانية".
وفي نهاية اللقاء، شكرت حنين الشاطر والدها على كل ما قدمه لها من دعم ومحبة، وقالت: "بابا أنت اللي وصلتني لحلمي.. وأنا مش هقدر أردلك الجميل ده.. بحبك أوي يا بابا".